بما اني لسة مقدم استقالتي من وظيفة ف مجالي بمرتب كويس ف مكان قريب مني .. حابب انشر لكم فوايد تقديم الاستقالة قبل ما العمر يجري بيك و تلاقي نفسك معملتش حاجة ف حياتك
1- في فرق كبير ما بين الكفاءة والموهبة ... من أسباب الاستقالة الإحساس إنك أكثر موهبة بكتير من المكان إللي إنت موجود فيه.
2- عدد ساعات عمل الطويلة ... مع العلم إنك ممكن تطلع 100% من إنتاجك في ساعات عمل أقل.
3- بترجع من الشغل ميت أو تنام بهدومك ده معناه إنك محتاج تفصل "الأجازة مش عيب ولا حرام" العيب إنى استنفذ الموظف لحد ما يكره المؤسسة ... و لو بتصحي من النوم مش قادر تحط رجلك بره السرير فده معاه إنك محتاج تسيب الشغل.
4- مفيش حاجة في الدنيا تستاهل إنك تقضي عمرك مربوط في ساقية و قاعد بتعمل حاجة ما بتحبهاش مش فارق ايه هي حالتك الإجتماعية.
5- لما بتقضي مدد طويلة في الشغل دا بيديك إيحاء يكاد يصل إلي درجة اليقين إن مفيش رزق بره و دا مش حقيقي ... كتر الحبس خلانا فاكرين إن لو خرجنا بره السجن هنموت.
6- القرار حاجة و التنفيذ حاجة تانية يعني مكن أقرر النهاردة و أستقيل بعد كذا سنة بس تفرق كتير إنك تصحي الصبح و إنت عارف إنك محبوس عن إنك تصحي و إنت عارف إنك خارج خارج. "افتكر معايا مشهد الختام ف فيلم طيور الظلام".
7- تحويش مبلغ معين كحد أدني للتحرر من عبودية الشغل فكرة ثبت فشلها بعد الغلاء الهستيري لأن أي مبلغ مهما كبر مش هيقدر يقاوم التضخم.
8 - التعود والخوف من الفراق عند الغالبية العظمي من المصريين تقريبا بتكمل لآخر العمر. دا بيخليك مش قادر تتخلي عن أشخاص بعينهم أو أماكن إتعودت عليها. معلش إحتفظ بالمشاعر دي لأهلك و أصدقائك و معارفك.
9- محدش ليه حاجة عندك إنت صاحب قرارك و ليذهب المجتمع إلي الجحيم.
10- بعدك عن الشغل و الروتين اليومي هيخليك تكتشف حاجات في نفسك إنت ما كنتش عارفها و ممكن تحولها لمصدر رزق.
11- أحد المقومات الأساسية للخوف هي إنك دايما خايف من المستقبل حط عليها شوية سكر بودرة من فوق و سميها career path و كلنا عارفين إن كل ده خرط و لا له أي لازمة.
12- لو وقعت بجد و لا مليون تأمين يرجع اللي راح.
13- المنتشر في الإستقالة إنك تسيب المدير و لا تسيب الوظيفة يعني العادي إن معظم الناس بتسيب الشغل عشان المدير مقرف.
14- لا يوجد أي منطق في الدنيا يقول إنك تقضي مع ناس ما تعرفهمش أضعاف الوقت إللي بتقضيه مع أهلك و أصحابك و حبايبك.
15- مهما كان مرتبك كبير لو قسمته علي سعر الدولار هتتضايق من نفسك.
16- الموضوع ملوش علاقة بالأنتخة و التخاذل و البلح ده أولا محدش له حاجة عندك طالما ما قولتش سلفني ثانيا تحقيق الذات ملوش علاقة بالفلوس الموضوع في الأساس وجاهة إجتماعية ما تلبسهاش توب العفة و هيه واطية.
17- نحن نعيش في عصر من الروعة "الكريديت كارد" كله مديون و كله بيجري ورا تسديد كروت بلاستيك تؤمن لك مظهر إجتماعي ... سدد الكروت و كسرها و عيش ... عيش الجيل السابق ... معاك تمن الحاجة إشتريها مش معاك تولع ...
18- شوفت ناس كتير كان معاهم فلوس كويسة في التلاتينات و الأربعينات و قالوا طب خلينا لـ 45 طب خلينا لـ 50 و العمر بيعدي و إللي بيروح مش بيرجع طالما خدت القرار نفذ علي طول مفيش حاجة مستاهله
19- في ناس بتتكسف تقول إنها بتشتغل شغل حر أو بتشتغل بالحتة أو مش بتشتغل خالص أولا محدش له حاجة عندك طالما مش بيصرف عليك ثانيا أحد أهم مقومات الإستقالة إنك تعرف طوب الأرض إنك خرجت من السجن و جاهز تشتغل لحسابك.
20- إرمي كل الحاجات إللي إتقلك حبها ورا ضهرك و ركز في الحاجات إللي بتحبها بجد هتلاقي حاجة أو حاجتين هم إللي بيحتاجوا فلوس فعلا و الباقي بلاعات صرف محتاجة تتغطي بس .... غطيها
21- لا تتخيل مدي تحسن علاقاتك الشخصية و الأسرية لما ضغوط الشغل تتشال من عليك بجد هتحس و إللي حواليك هيحسوا إنك إنسان جديد.
22- سواء الشغل قبل إستقالتك فورا أو فاوضك بمميزات عشان تقعد الحالتين سيان و خارج سياق الموضوع أصلا ..
23- التعويم و البنزين علمونا حاجة مهمة ... مهما كان معاك فلوس ممكن تصحي الصبح تلاقيها خست النص أو أكتر ... الفلوس بتروح و تيجي إنت المشروع و إنت الفلوس و إللي راح ممكن تعوضه تاني و تالت و رابع مش سباق هو ... إللي ما يتعوضش الناس إللي بتحبهم و بتضيع وقتك بعيد عنهم و صحتك إللي بتحرقها عشان شوية ورق و يا ريته مكفي.
24- عشان تعمل حاجة بتحبها أوي لازم هتتنازل عن حاجات تانية بتحبها بدرجات أقل ... رتب أولويات "الحب" و إعرف هتصرف علي إيه و هتتخلي عن إيه .... الخطوة دي مفيهاش صح و غلط كل واحد أدري بنفسه المعيار الوحيد إنك تكفي نفسك " ألحس مسني و أبات مهني و لا كبابك إللي قتلني".
25- خللي بالك دي مش قواعد المعاش دي قواعد الإستقالة يعني لازم و إنت بتستقيل تعرف إنك هتبذل مجهود برضه بس في إتجاه آخر إنت راضي عنه.
26- خصص في يومك أو أسبوعك وقت للمشي و وقت للقراءة ... ربع ساعة مشي بغرض المشي و نص ساعة قراءة في أي موضوع بتحبه و ليكن كيفية عمل الزبادي من اللبن خالي الدسم ..... حياتك هتتغير.
27- لا حيلة في الرزق و لا شفاعة في الموت.
28- طالما هتبعد عن الروتين اليومي لفترة جرب بالمرة تبعد ع الناس شوية .... هيومان ديتوكس ... مش متخيل كمية السموم إللي هتخرج من روحك.
29- كنز كنوز الدنيا راحة البال أي حاجة تانية كماليات.
30- في ناس من الأجيال السابقة هتقول إنتوا إللي وديتوا البلد في داهية عشان كسالي و مش عايزين تشتغلوا أحب بس أقول للناس دي مع كامل إحترامي لمجهودكم إحنا قضينا في المواصلات و العربيات من و إلي الشغل قد إللي حضرتك قضيته في شغلك كله لحد ما طلعت معاش و بلاش نفتح سيرة مين إللي كان السبب عشان هتزعلوا.... خلينا في موضوعنا ... تاني ... محدش له عندك حاجة و علي رأي مارك توين " كمان 20 سنة هتندم علي الحاجات إللي ما عملتهاش أكتر بكتير من ندمك علي الحاجات إللي عملتها"...
1- في فرق كبير ما بين الكفاءة والموهبة ... من أسباب الاستقالة الإحساس إنك أكثر موهبة بكتير من المكان إللي إنت موجود فيه.
2- عدد ساعات عمل الطويلة ... مع العلم إنك ممكن تطلع 100% من إنتاجك في ساعات عمل أقل.
3- بترجع من الشغل ميت أو تنام بهدومك ده معناه إنك محتاج تفصل "الأجازة مش عيب ولا حرام" العيب إنى استنفذ الموظف لحد ما يكره المؤسسة ... و لو بتصحي من النوم مش قادر تحط رجلك بره السرير فده معاه إنك محتاج تسيب الشغل.
4- مفيش حاجة في الدنيا تستاهل إنك تقضي عمرك مربوط في ساقية و قاعد بتعمل حاجة ما بتحبهاش مش فارق ايه هي حالتك الإجتماعية.
5- لما بتقضي مدد طويلة في الشغل دا بيديك إيحاء يكاد يصل إلي درجة اليقين إن مفيش رزق بره و دا مش حقيقي ... كتر الحبس خلانا فاكرين إن لو خرجنا بره السجن هنموت.
6- القرار حاجة و التنفيذ حاجة تانية يعني مكن أقرر النهاردة و أستقيل بعد كذا سنة بس تفرق كتير إنك تصحي الصبح و إنت عارف إنك محبوس عن إنك تصحي و إنت عارف إنك خارج خارج. "افتكر معايا مشهد الختام ف فيلم طيور الظلام".
7- تحويش مبلغ معين كحد أدني للتحرر من عبودية الشغل فكرة ثبت فشلها بعد الغلاء الهستيري لأن أي مبلغ مهما كبر مش هيقدر يقاوم التضخم.
8 - التعود والخوف من الفراق عند الغالبية العظمي من المصريين تقريبا بتكمل لآخر العمر. دا بيخليك مش قادر تتخلي عن أشخاص بعينهم أو أماكن إتعودت عليها. معلش إحتفظ بالمشاعر دي لأهلك و أصدقائك و معارفك.
9- محدش ليه حاجة عندك إنت صاحب قرارك و ليذهب المجتمع إلي الجحيم.
10- بعدك عن الشغل و الروتين اليومي هيخليك تكتشف حاجات في نفسك إنت ما كنتش عارفها و ممكن تحولها لمصدر رزق.
11- أحد المقومات الأساسية للخوف هي إنك دايما خايف من المستقبل حط عليها شوية سكر بودرة من فوق و سميها career path و كلنا عارفين إن كل ده خرط و لا له أي لازمة.
12- لو وقعت بجد و لا مليون تأمين يرجع اللي راح.
13- المنتشر في الإستقالة إنك تسيب المدير و لا تسيب الوظيفة يعني العادي إن معظم الناس بتسيب الشغل عشان المدير مقرف.
14- لا يوجد أي منطق في الدنيا يقول إنك تقضي مع ناس ما تعرفهمش أضعاف الوقت إللي بتقضيه مع أهلك و أصحابك و حبايبك.
15- مهما كان مرتبك كبير لو قسمته علي سعر الدولار هتتضايق من نفسك.
16- الموضوع ملوش علاقة بالأنتخة و التخاذل و البلح ده أولا محدش له حاجة عندك طالما ما قولتش سلفني ثانيا تحقيق الذات ملوش علاقة بالفلوس الموضوع في الأساس وجاهة إجتماعية ما تلبسهاش توب العفة و هيه واطية.
17- نحن نعيش في عصر من الروعة "الكريديت كارد" كله مديون و كله بيجري ورا تسديد كروت بلاستيك تؤمن لك مظهر إجتماعي ... سدد الكروت و كسرها و عيش ... عيش الجيل السابق ... معاك تمن الحاجة إشتريها مش معاك تولع ...
18- شوفت ناس كتير كان معاهم فلوس كويسة في التلاتينات و الأربعينات و قالوا طب خلينا لـ 45 طب خلينا لـ 50 و العمر بيعدي و إللي بيروح مش بيرجع طالما خدت القرار نفذ علي طول مفيش حاجة مستاهله
19- في ناس بتتكسف تقول إنها بتشتغل شغل حر أو بتشتغل بالحتة أو مش بتشتغل خالص أولا محدش له حاجة عندك طالما مش بيصرف عليك ثانيا أحد أهم مقومات الإستقالة إنك تعرف طوب الأرض إنك خرجت من السجن و جاهز تشتغل لحسابك.
20- إرمي كل الحاجات إللي إتقلك حبها ورا ضهرك و ركز في الحاجات إللي بتحبها بجد هتلاقي حاجة أو حاجتين هم إللي بيحتاجوا فلوس فعلا و الباقي بلاعات صرف محتاجة تتغطي بس .... غطيها
21- لا تتخيل مدي تحسن علاقاتك الشخصية و الأسرية لما ضغوط الشغل تتشال من عليك بجد هتحس و إللي حواليك هيحسوا إنك إنسان جديد.
22- سواء الشغل قبل إستقالتك فورا أو فاوضك بمميزات عشان تقعد الحالتين سيان و خارج سياق الموضوع أصلا ..
23- التعويم و البنزين علمونا حاجة مهمة ... مهما كان معاك فلوس ممكن تصحي الصبح تلاقيها خست النص أو أكتر ... الفلوس بتروح و تيجي إنت المشروع و إنت الفلوس و إللي راح ممكن تعوضه تاني و تالت و رابع مش سباق هو ... إللي ما يتعوضش الناس إللي بتحبهم و بتضيع وقتك بعيد عنهم و صحتك إللي بتحرقها عشان شوية ورق و يا ريته مكفي.
24- عشان تعمل حاجة بتحبها أوي لازم هتتنازل عن حاجات تانية بتحبها بدرجات أقل ... رتب أولويات "الحب" و إعرف هتصرف علي إيه و هتتخلي عن إيه .... الخطوة دي مفيهاش صح و غلط كل واحد أدري بنفسه المعيار الوحيد إنك تكفي نفسك " ألحس مسني و أبات مهني و لا كبابك إللي قتلني".
25- خللي بالك دي مش قواعد المعاش دي قواعد الإستقالة يعني لازم و إنت بتستقيل تعرف إنك هتبذل مجهود برضه بس في إتجاه آخر إنت راضي عنه.
26- خصص في يومك أو أسبوعك وقت للمشي و وقت للقراءة ... ربع ساعة مشي بغرض المشي و نص ساعة قراءة في أي موضوع بتحبه و ليكن كيفية عمل الزبادي من اللبن خالي الدسم ..... حياتك هتتغير.
27- لا حيلة في الرزق و لا شفاعة في الموت.
28- طالما هتبعد عن الروتين اليومي لفترة جرب بالمرة تبعد ع الناس شوية .... هيومان ديتوكس ... مش متخيل كمية السموم إللي هتخرج من روحك.
29- كنز كنوز الدنيا راحة البال أي حاجة تانية كماليات.
30- في ناس من الأجيال السابقة هتقول إنتوا إللي وديتوا البلد في داهية عشان كسالي و مش عايزين تشتغلوا أحب بس أقول للناس دي مع كامل إحترامي لمجهودكم إحنا قضينا في المواصلات و العربيات من و إلي الشغل قد إللي حضرتك قضيته في شغلك كله لحد ما طلعت معاش و بلاش نفتح سيرة مين إللي كان السبب عشان هتزعلوا.... خلينا في موضوعنا ... تاني ... محدش له عندك حاجة و علي رأي مارك توين " كمان 20 سنة هتندم علي الحاجات إللي ما عملتهاش أكتر بكتير من ندمك علي الحاجات إللي عملتها"...
Comments :
0 التعليقات to “استقيل قبل فوات الاوان !!!”
إرسال تعليق