لو بتدور علي وظيفة ؟ محدش يضحك عليك !!

بصوا يا شباب عشان اخلص ذمتي من ربنا لاي حد بيدور علي شغل ..عشان الناس اللي بيتضحك عليها كتير اليومين دول ... خد بالك كويس اوي من الكلمتين دول :

1 - مفيش حاجة اسمها وظيفة حكومية .. الحكومة مبتنزلش وظايف عالنت و ملهاش تقديم علي النت و مفيش اصلا وظايف حكومية !

2- مفيش حاجة اسمها اشتغل ف ماي واي و ماي خرا و ادفع فلوس قبل ما تشتغل و اشتغل تسويق و شبكي و ارف .. كل ده هري و نصب

3- مفيش واحد اهبل من مكتب توظيف نصاب يضحك عليك و يقولك ادفع 20 جنيه عشان تقدم او 10 جنيه استمارة ..اللي يقولك كدا قوله امك ف العش ولا طارت

4-مفيش حاجة اسمها سيب رقمك ف الكومنتات و سيب اسمك ف الكومنتات او ابعتلي خاص عشان وظيفة .. الشركات المحترمة ليها ايميل و بتبعت ال CV عليه

5- البنات تخلي بالها و مش اي مكان تروحي فيه انترفيو الا لو عنوان محترم و واضح لشركة و تروحي مع حد معاكي يفضل جدا

6- محدش يقولك هتشتغل اول 3 شهور ببلاش و بعد كدا هندفعلك .. اللي يقولك كدا قوله شوف واحد غيري يضحك عليه

7- اقل مرتب تقبل بيه ف الظروف دي 1500 جنيه ..ده لو انت طالب .. لو متخرج 2500 جنيه و رغم ان دي مش ارقام اصلا بس اضعف الايمان و علي فكرة الارقام دي حقيقة ف اماكن الشغل المحترمة بس انتو ال بتدوروا غلط !

8- ابعد عن اولكس و الفيس بوك ف الوظايف .. الوظايف المحترمة ف تنقيب و بيت دوت كوم و شغلانتي و لينكد ان .. المواقع المحترفة مش المواقع الاي كلام .

9 - عليا الطلاق ما فيه حاجة اسمها سيب رقمك ف الكومنتات و هكلمك او كلمني خاص .. اللي بيعمل كدا بيبقي غالبا واحد فاضي عاوز يشقط بنات

10 - قبل ما تقدم علي اي شغلانة تبقي عارف انت هتقدم علي شركة ايه و فين و اعمل سيرش عالنت مش تقدم بالبركة كدا و زي ما تيجي .. انت راجل ليك قيمة مش بتدور علي اي حاجة و خلاص !

النصايح دي اساسية لاي واحد بيدور علي وظيفة عشان ناس كتير جدا بيتضحك عليها من مكاتب توظيف و غيره .. ف خلي بالك جدا و خليك حريص و بسهولة تلاقي شغل لو دورت صح

انا عملت الصفحة دي عشان انزل عليه كل الوظايف الحقيقية القوية بحيث ان كل واحد يقدر يقدم عالشغل الصح و ربنا يوفق الجميع باذن الله..

http://learnearntravel.blogspot.com.eg/p/blog-page_28.html

• شير للمقال للمنفعة العامة