English Conversation club - نادي محادثة اللغة الانجليزية

اي شاب في مصر بييجي يبدأ حياته العلمية و المهنية بيصطدم بحاجات كتير بتخليه يغير مساره بعد كدا للصح بس بيكون ضيع وقت كتير اوي

يعني تلاقي طالب يبدا عاوز يقوي الانجلش بتاعه ..يلاقي اول حاجة في وشه حتة ورقة معفنة اعلان مكتوب عليه كورس معتمد في اللغة الانجليزية :v

يبدأ بحماس يكلم الرقم و يروح ياخد الكورس اللي بعد ما بيخلصه بيكتشف انه لسة ولا حاجة ف الانجلش بس بياخد الشهادة المزعوم انها معتمدة و بيبقي فاكر انها هتفتحله ابواب الوظايف ف الشركات المالتي ناشيونال بقي

بعد خبرات كتير الواحد بيعرف انه عشان يقوي اللغة الحل انه يمارس اللغة و هنا احنا قررنا لاول مرة ف مصر هنعمل نادي للمحادثة للانجلش ف مصر
 
و شعارنا How not to be Shy .. ازاي متتكسفش او تتوتر و انت بتتكلم و ازاي تمارس اللغة و تلاقي ناس زيك مهتمة بالممارسة

النقطة التانية هتفيد اي حد بيجهز لامتحان الايلتس او التويفل انه يجرب يتكلم مرة و اتنين وتلاتة عشان لما يدخل الامتحان يبقي متعود و هنخصص اكبر جزء عن مواضيع زي المواضيع ال بتيجي ف الايلتس و التويفل

و هنعمل فقرة الاسئلة عشان تتعود برضه لما تتسال تجاوب ع طول سوال مباشر

نادي المحادثة هنجمع فيه 12 فرد هيقعدوا ساعتين بيتكلموا انجلش بش .. مفيش شرح مفيش قواعد مفيش اي شئ غير محادثة و كلام .. و النادي هيتعمل بانتظام و كل مرة هتنتاقش ف مواضيع مختلفة عشان لو عاوز تحضر و تمارس اللغة باستمرار يبقي براحتك !

المكان هيكون في الدقي في شارع المساحة جنب معهد جوتة قريب جدا من محطة مترو الدقي ف سنتر ف عمارة رقم 11 - قاعة مكيفة فيها كل التجهيزات و نعيش الساعتين دول

اول مرة هتبقي الجمعة   من 2 ل 4 ..

1- كل واحد هيعرف نفسه ف البداية و يحكي عن نفسه
2- هنتكلم ف موضوع ممكن تحضرله ايه رايك بيزنس افضل ولا وظيفة
3- موضوع مفاجئ و فقرة اسئلة مفاجأة

الموضوع مش ربحي ولا مكان كورسات و لا حد بيشرح هندفع بس تمن القاعة كل فرد 25 جنيه .. ال عاوز يشترك ممكن يدفع عن طريق انه يتواصل مع المنظمين و يقابلك ف اقرب محطة مترو ليك او ممكن تدفع بحوالة عن طريق البريد المصري

الاماكن باسبقية الحجز - لما الاماكن بتخلص بيبقي ف معاد تاني

بعد كدا هيتكرر النادي يوميا بحيث انت ف الوقت الفاضي ليك ف اي وقت تقدر تيجي تمارس اللغة ف اي وقت .. لو انت طالب مثلا او بتشتغل ف تختار المعاد الفاضي و تيجي فيه

و هننزل كل جديد هنا تقد تتواصل مع رسايل الصفحة  من هنا
او الرقم ده واتس 01115276691

و تقدر تملا الفورم ده كمان

• شير للمقال للمنفعة العامة